Сайн хувьцааг битгий зар" буюу "Үүрд хамт байгаач хувьцаа минь ээ"… — The Bibby Times — TG.ME

"Сайн хувьцааг битгий зар" буюу "Үүрд хамт байгаач хувьцаа минь ээ" Домогт хөрөнгө оруулагч Warren Buffett-ийн хөрөнгө оруулалтын нууц биш нууц бол урт хугацааны хөрөнгө оруулалт. Хэр их хугацаа гэж үү? Forever л гэж байна шүү. Мөн тэрээр та тухайн хувьцааг 10 жил дарж чадахгүй бол 10 минут ч бүү эзэмш гэж зөвлөсөн байсан. Гэсэн яасан байх нь уу? Заримдаа сайн хувьцаагаа зарсан байх нь бас харамссан байх нь. Би Телеграм суваг дээрээ өөрийнхөө багцыг үзүүлдэг болсноос хойш 4 удаа хувьцаагаа зарсан. Эхлээд $MFC-г 3, 4 сар барьж байгаад тэр мөнгөө $APU руу оруулбал зүгээр юм байна гээд зарав. Дараа нь Монголын нүүрс ёстой шал арчина гэдэг шиг юм болоод Тавантолгой ХК ч нүүрсээ гаргахгүй, нүүрсний үнэ ч унаад эвгүйтэж байсан үе. Тухайн үед 25,981₮ дундажтай 264 ширхэг $TTL байсан юм байна. Яахав тухайн үедээ 34,920₮, 34,500₮ дээр 200 ширхгээ зараад. Үлдсэн 64 ширхгээ дараа нь зараад 3.6 сая төгрөгийн ашиг хийсэн юм байна. Нүүрсний арилжаа гайгүй болохоор нь буюу өнгөрсөн жилийн 9-р сараас хойш буцааж авсаар л байна. Одоо миний дундаж 34,485.10₮ байна. Хэрэв зараагүй барьсаар л байсан бол магадгүй 1000 ширхэгтэй ч болох боломжтой байлаа. Яахав тухайн үедээ багахан ашиг хийсэн ч урт хугацаандаа нүүрсний циклийг давж туулах сэтгэлзүйтэй байх байсан юм билээ. Гуравдахь заралт маань $GLMT байлаа. 6208 ширхэг Голомтоо 1283₮ дээр зарсан. Дундаж маань 1120.25₮ дээр байсан байна харин одоо 2000 ширхэг 1114.83₮ дээр байна. Зөв зүйл хийсэн юм шиг боловч өмнөх шигээ 6000 ширхэгтэй болж амжаагүй байхад ханш өнөөдөр өсөөд 1196₮ рүү явчихлаа. Дөрөвдэх заралт саяхан 16,617 ширхэг $QPAY-ээ 391₮ дээр НА-ын бүртгэлийн өдрийн өмнө нь зарсан. Тэгсэн яасан? Өнөөдөр ханш 375.13₮ дээр хаагдлаа. Байсан бол НА-аа авах байлаа... Гэх мэтчилэн what-if гэсэн асуултууд гэх юм уу харамслын бодлууд толгой дотор эргэлдэнэ дээ хө 😜 Яахав өөрийгөө зөвтгөхөд буцаагаад өөр хувьцаа болгосон нь нэлээд сайн өссөн болохоор зөв зүйл хийсэн ч юм шиг. Харин өмнөх дундаж юм уу тоо ширхгийг нь харахаар буруу зүйл хийсэн ч юм шиг санагдаад байгаа. За тэгээд ухаантай хүмүүс хүний алдаан дээр суралцдаг, мунхаг нь өөрийнхөө алдаан дээр суралцдаг гэдэг бил үү дээ.