فَيْض: post #299 — TG.ME

ما أعرف ليش نسيت هالفقرة ولكن حاولوا تلعبون ورقة رابحة في كل مكان.. اسعوا للقبول حتى لو جاء رجكشن، لأنه عادي تصير فلا تضيق صدوركم لو صارت.. فمثلًا أحد الحلول إنكم تروحون للديبارتمنت وتسعوون للقبول وصدق فيه احتمالية كبيرة تتيسر لكم! نقطة مهمة جدًا، ومفصلية بالقبول من عدمه للروتيشن، خصوصًا في التخصصي (KFSH&RC): القرار مو بيد الديبارتمنت مثل باقي الأماكن، بل بيد المسؤولين عن موقع التقديم الرسمي. أما في المستشفيات الأخرى، فغالبًا القسم نفسه (والدكاترة) هم اللي يقررون. المهم ليش قلت هالكلام؟ كثير من زملاءنا بمختلف التخصصات، حطوا معظم الشهور بسنتر واحد، وما شاء الله يعني عندهم كل المقومات للقبول.. وما انقبلوا بالمكان اللي يتمنونه [برغم إن كل الاسباب الدنيوية تقول إنهم مقبولين هناك] لكن أحيانًا ربي يكتب لك الرزق بمكان أنت ما تعرف هو وش بيقدم لك من خير! أدري هالكلام بدري مرة لكن صدق ودي توصلون لتصالح بالنتيجة النهائية.. هالشيء بيخلي الرحلة امتع! نقطة أخرى مهمة: ضروري تتأكدون من كرايتيرا القبول للسناتر اللي تتمنون، فمثلًا أحد السناتر يتوقع لابد تجيه أقل شيء شهرين، وبعضهم مايفرق معه شهر أو ماقد جيت! عشان تعرفون كيف تعدلون على خطتكم. ‏ ودائمًا تذكروا أن أحيانًا تتهيأ الظروف لطريقٍ ما، والقضاء في طريقٍ آخر.. وهنا نعي أن حكمة الله أوسع من إدراكنا، وألطف مما نعتقد. ⁦ ⁩