Փնտրվում է ՌԴ–ում ՀՀ դեսպան
«Ժողովուրդը» գրում է, որ ՌԴ-ում ՀՀ դեսպան Գուրգեն Արսենյանին հետ կանչելուց հետո Փաշինյանը շարունակում է դեսպանի նոր թեկնածուի փնտրտուքը։«Մեր աղբյուրների փոխանցմամբ՝ նոր դեսպանի թեկնածուների թվում Նիկոլ Փաշինյանը դիտարկել է նաև արդեն նախկին Անվտանգության խորհրդի քարտուղար Արմեն Գրիգորյանին։ Սակայն վերջինս կտրականապես հրաժարվել է Մոսկվա մեկնելու և դեսպանի պաշտոնը ստանձնելու առաջարկից։ Այս պահին նոր դեսպանի որոնումները շարունակվում են»,–գրում է թերթը։
Իշխանական աղբյուրների փոխանցմամբ՝ ՀՀ վարչապետը ցանկանում է Մոսկվա գործուղել ոչ թե պարզապես դիվանագետի, այլ քաղաքական թիմից այնպիսի անձի, որը կկարողանա տարբեր մակարդակներում արդյունավետ աշխատել ռուսական կողմի հետ և անհրաժեշտության դեպքում կարգավորել Երևան-Մոսկվա հարաբերություններում առաջացող խնդիրները։ 
Առաջին զանգ. Բաժանորդագրվե՛ք
