"Flash Card Paradox" නමින් ඊළඟ (Rose Pink) ෆ්ලෑෂ් කාඩ් කුට්ටමෙහි මා පළ කිරීමට අදහස් කරන, කාඩ්පතකට ලඝු කළ ලිපියක් මෙසේ ය:
අපි පාඩම් කිරීමට බොහෝ සෙයින් අකමැත්තෙමු. විභාග ලිවීම බොහෝ සෙයින් පිළිකුල් කරමු. මොළයට මතක තබා ගැනීමට අපහසු දෑ විවිධ උපක්රම භාවිතයෙන් මතකයේ රඳවා ගැනීම එක්තරා විනෝදජනක ක්රියාවක් වුවත්, පමණට වඩා යමක් වීරිය කිරීම අපව අනවශ්ය ලෙස වෙහෙස කරවයි.
මා අසා ඇති එක්තරා කතන්දරයකට අනුව, අප දැනුම ලබා ගත යුත්තේ මොළයේ කුණු සෝදා හැරීමට මිස, මොළයේ ගබඩා කර තබා ගැනීමට නොවේ. නමුත් විභාගයකට මුහුණ දීම සඳහා අප නොසෑහෙන දැනුම් කන්දරාවක්, දීර්ඝ කාලයක් තිස්සේ මොළයේ ගබඩා කර තබා ගත යුතුව ඇත. මෙය මොළයට එතරම් ගුණදායක නැත.
නමුත් "ෆ්ලෑෂ් කාඩ්" යනුවෙන්, හුදෙක් පාඩම් කිරීම ම අරමුණු කරගත් මෙවලමක් සාදා මං ද එයටම හවුල් වී ඇති බව පෙනේ. අපගේ නිෂ්පාදනය ළමුන්ගේ ඉහළ අවධානය දිනා ගන්නා පරිදි සැලසුම් කිරීම මාගේ සැබෑ අරමුණ වන අතර, පාඩම් කිරීම ඔබට භාර කාර්යයකි. මා ද ඇතුළුව මුදලට අධ්යාපනය දෙන සියලු උදවිය තමන්ගේ වාසියට ම උගුල් අටවන අතර ඔබ එහි සිරකරුවන් බවට පත්ව සිටී.
Forwarded fromLet's enjoy flashcards
8
1
1
1April 7, 2025 2.6K 2
