ဖက်ခွက်စား နေအောင်အကြောင်းတွေ့လို့ copy ကူးယူလာခဲ့ပါတယ်။
ကိုယ်တိုင်ကြုံတွေ့ခဲ့ရသော အခွင့်ရေးသမား မင်းသား နေအောင် အကြောင်း။
------------------------------
ကျွန်တော်သည် ပုဂ္ဂိုလ်ရေးဆန်သည့် စာများကို မရေးလို။ ရေးခဲ့လျှင်
လည်း ထူးထူးခြားခြား လေးစားရသည့် မိတ်ဆွေများ၏ ကောင်းကွက် အကြောင်းများကိုသာ ရေးဖြစ်သည်။
သို့သော် မအလ အကြမ်းဖက်စစ်အုပ်စုကို အားပေးထောက်ခံနေကြသည့် လူများကိုတော့ မိတ်ဆွေရင်း ဖြစ်နေပါစေ ဘာမျက်နှာမှ မထောက်ရေးသင့်တာကို ရေးမည်ဖြစ်သည်။
သူတို့သည် အကြမ်းဖက်စစ်အုပ်စုကို အသက်ဆက်ပေးနေကြသော ဒေါက်တိုင်များဖြစ်ကြသည်။
ထိုလူများကို မိတ်ပျက်သွားလည်း ကိစ္စမရှိ။ သူတို့နဲ့ ထိုက်တန်သော ပြစ်ဒဏ်ကို ပေးရမည်ဖြစ်သည်။
ရုပ်ရှင်မင်းသားနေအောင်သည် နှစ်ပေါင်းများစွာကထဲက အကြမ်းဖက်စစ်အုပ်စုကို အရိုးစွဲအောင် အားပေးထောက်ခံ ကူညီခဲ့သောလူဖြစ်သည်။
ပြည်တွင်းရှိ အနုပညာသမားများ ထဲတွင် စစ်အုပ်စု နဲ့ပတ်သက်၍ ၃ မျိုး ၃ စားရှိသည်။
၁- စစ်အုပ်စုကို ကြိုက်၍ အားပေးထောက်ခံနေကြပြီး စစ်အုပ်စုအလိုကျ ဖိတ်သမျှ ပွဲတိုင်း တက်တက်ကြွကြွ တက်၍ အားပေးကူညီနေကြသူများ။
၂- စစ်အုပ်စုကို ကြိုက်တော့မကြိုက်။ သို့သော် ဖိတ်သမျှ ပွဲတိုင်းကို ကြောက်လို့ တက်ရောက်နေကြသူများ။
၃- စစ်အုပ်စုကို လုံးဝမကြိုက်သလို ပွဲတက်ဘို့ ဖိတ်ကြားလာခဲ့လျှင်လည်း အကြောင်းအမျိုးမျိုးပြ၍ ငြင်းဆန် မတက်ရောက်ကြသောသူများ။ ( ထိုလူများကို လေးစားသည် )
ထိုအုပ်စု ၃ စုထဲတွင် နေအောင် သည် နံပတ် ၁ အုပ်စုဝင် ဖြစ်သည်။
သူနဲ့ တစ်အုပ်စုထဲ ခံယူချက်တူ လူတွေက စိုးမြတ်သူဇာတို့ညီအမ၊ ရန်အောင် ၊ ခန့်စည်သူ ၊ မေသဉ္စာဉီး ၊ ဒိန်းဒေါင် ၊ ငြိမ်းချမ်း ၊ ခင်လှိုင် ၊ မိုးဒီ ၊ ယုန်လေး တို့ဖြစ်သည်။ အခြားလူတွေလည်း များစွာရှိကြသေးသည်။
စစ်အုပ်စုကို ကြောက်လို့ ဆက်ဆံ နေရသူ နဲ့ ကြိုက်လို့ဆက်ဆံနေကြသူများ ထဲတွင် နေအောင်သည် ကြိုက်လို့ကို အားပေးထောက်ခံ ကူညီနေသူဖြစ်သည်။
အရင်ရက်က ကြံ့ဖွတ်ပါတီခေါင်းဆောင် ခင်ရီ နဲ့ နေအောင်ဉီးဆောင်တဲ့ ဖက်ခွက်စား ရေပေါ်စီ ရုပ်ရှင်အုပ်စု တွေ့ခဲ့ကြသည်။
ရွှေးကောက်ပွဲမှာ ကြံံဖွတ်ပါတီ အောင်နိုင်ရေးအတွက် ကူညီပေးရန် တွေ့ဆုံကြခြင်းဖြစ်သည်။
အရင်က နေအောင့်စိတ်ဓါတ် ဘယ်လိုအောက်တန်းကျကျ ရေးဘို့အစီအစဉ်မရှိ။
အခုနောက်ပိုင်း မအလ စစ်အုပ်စု နဲ့ ခပ်စိတ်စိတ် ပူးတွဲပြီး ပွဲတိုင်းကျော် လုပ်လာသောကြောင့် ပြည်သူကို ဒုက္ခပေးမည့် ဆူးတစ်ချောင်း ဟုမြင်လာ၍ ယခုစာကို ရေးခြင်းဖြစ်သည်။
၂၀၁၄ ခုနှစ်ကသီတဂူဆရာတော် ဖလော်ရီဒါပြည်နယ်ရှိ သီတဂူဘုန်းကြီးကျောင်းသို့ ကြွလာသည်။
သူနဲ့အတူ မြန်မာပြည်မှ လုပ်ငန်းရှင် အမာခံ ဒကာအရင်းများကို ခေါ်လာခဲ့သည်။
ထိုခရီးစဉ်၌ မြန်မာပြည်မှ ပါလာကြသည့် ဒကာ အုပ်စုက လူတော်တော်များသည်။
ပါလာကြသည့် လူများကို တိတိကျကျ ပြောရလျှင် -
အောင်သောင်း ကုမ္ပဏီ နှင့် ရန်ကုန် ထရန်စဖေါ်မာ ကုမ္ပဏီပိုင်ရှင် ဉီးမောင်သောင်း နှင့် ဇနီး နဲ့ သမီး အပါအဝင် ၃ ဉီး။
ဆောက်လုပ်ရေး လုပ်ငန်းပိုင်ရှင် ဉီးတင်အေး။
ရုပ်ရှင်မင်းသား နေအောင် ။
ထိုစဉ်က ရန်ကုန် သီတဂူအဖွဲ့ အတွင်းရေးမှုး လှဆန်းယဉ် ကိုမြင့်အောင် ( ရုပ်ရှင်မင်းသမီး စိုးမိုးကြည် ၏ ခင်ပွန်း ) ။
ရန်ကုန် သီတဂူ အဖွဲ့ ဘဏ္ဏာရေးမှုး ကိုဘာဘူ ( ရွှေဘုံသာလမ်းရှိ ဆင်းဘရားသား ဆေးဆိုင် ပိုင်ရှင် ) ။
သီလရှင် ဆရာလေး တစ်ပါး အပါအဝင် စုစုပေါင်း ၈ ဉီးကို သီတဂူက အမေရိကသို့ ရောက်ဘူးစေရန်အတွက် မြန်မာပြည်မှ အလည်ခေါ်လာခဲ့ခြင်းဖြစ်သည်။
ထိုစဉ်က သီတဂူဆရာတော် နှင့်ကျွန်တော်သည် ဆရာ / ဒကာ ထက်ပိုသော ချစ်ခင် ရင်းနှီးသည့် ဆက်ဆံရေးမျိုးဖြစ်သည်။
ယခုတော့ နိုင်ငံရေး ခံယူချက် မတူမှု့ကြောင့် ဆရာ တပည့် လမ်းခွဲခဲ့သည်။
ထိုအဖွဲ့ကြီး ဖလော်ရီဒါသို့ စရောက်လာသောနေ့တွင် ကျွန်တော်က လေဆိပ်သို့ သွားကြိုသည်။
သီတဂူဆရာတော်အပါအဝင် ပါလာသည့် လူအုပ်စုက များသည့်အတွက် ကျွန်တော်အပါအဝင် နယ်ခံမိတ်ဆွေ ၃ ဉီးက ကား ၃ စီးဖြင့် သွားကြိုသည်။
တည်းခိုမည့် ဘုန်းကြီးကျောင်းသို့ ရောက်သည့်အခါ သီတဂူဆရာတော်က ကျွန်တော့်အား
“ စိန်မြင့်အောင် မြန်မာပြည်က ပါလာတဲ့ ငါ့တပည့်တွေကို မင်းတို့ဖလော်ရီဒါမှာ နေရာစုံ ရောက်အောင် မင်း တာဝန်ယူ လိုက်ပို့ပေးလိုက်ကွာ “
ဟု ပြောသည်။
လေယဉ်ကွင်းမှ ကြိုဆိုလာပြီး တည်းခိုမည့် ဘုန်းကြီးကျောင်းရောက်သည်နှင့် အခွင့်ရေးသမား ကိုနေအောင်က ဇာတိ စပြတော့သည်။
“ ညီလေး မြန်မာပြည်က အကို့အိမ်နဲ့ စကားပြောချင်လို့ ဖုန်းခေါ်ပေးပါလား “
“ ရပါတယ်အကို ဘိုက်ဗာနဲ့ လား ? နံပတ်ပြောလေ “
“ ဘိုက်ဘာနဲ့ မဟုတ်ဘူး အကို့အိမ်က ကြိုးဖုန်းနံပတ်ကို ခေါ်ချင်တာ “
“ ဟာ - မြန်မာပြည်က ကြိုးဖုန်းကို ကျွန်တော့် ဒီကဖုန်းနဲ့ တိုက်ရိုက်ခေါ်ရင် တစ်မိနစ်ကို ၂ ဒေါ်လာလောက် ယူတယ်အကို စျေးအရမ်းကြီးတယ် “
ထိုစဉ်က အမေရိကမှ မြန်မာပြည်ရှိအိမ်ဖုန်း ကြိုးဖုန်းများကိုတိုက်ရိုက်ခေါ်လျှင် ယူသည့်စျေးဖြစ်သည်။
“ ခဏလေးဘဲ ပြောမှာပါ ညီလေးရာ လုပ်ပါ။ ဖလော်ရီဒါကိုရောက်ပြီဆိုတာ မြန်မာပြည်က မိသားစုတွေကို အသိပေးရုံလေးပါ ။ အလွန်ဆုံးကြာ ၁ မိနစ် ၂ မိနစ်လောက်ပါဘဲ “
Facebook
Log in or sign up to view
See posts, photos and more on Facebook.
6
2August 6, 2025 815 3
