السلام عليكم ورحمة الله ، الحمدلله جبت ١٠٠ كمي بفضل الله ثم بفضل العمدة
بتكلم عن ثلاث نقاط :-
#الدعاء : هذا أساس لك ، واتوقع اني اكثر انسان سوا اغلاط في هذي النقطة ، والله كنت اشوف التجارب تقول الدعاء لايفارقك ، كنت ما اهتم اقول يشيخخ ، بعدين وقت اختباري الثاني قبله بيوم دعيت من كل قلبي ، دعيت اني اجيب ١٠٠ في ذا الاختبار ويارب علِّي همتي ويسر أمري ، ورحت جبت ١٠٠ كمي الحمدلله لك يارب .
#التأسيس : التأسيس مع العمدة في الكمي ، البداية الفعلية اخر اسبوع في دورة العمدة بديت ، كنت اخذ المحاضرة ما امر منها الا وانا فاهم مرة وبعدين اروح للواجب ( مافي يوم اراجع فيه المحاضرات الفائتة وهذا غلط ) ، رحت بتأسيس للورقي جبت ٩٥ كمي كله نفس الأفكار الحمدلله ، لكن سحبت على الكمي ٣ أشهر ونص ، ورجعت من جديد
طبعا ضياع فيه نقاط فاهمها ، ونقاط ماني فاهمها ، قلت باخذ التأسيس طبيعي ولكن احاول احل السؤال في أقل وقت وبأكثر دقة ، وبأكتب كل قانون أنساه ، وفعلا صار في مراجعة أسبوعية للقوانين وللمحاضرات يعني التأسيس فل ، مع ان اللي يشوفني في التدريب يقول ما اخذت الا ١٠ الى ١٥ بنك ، لكن التيك توك فاد شويتين ( اكسبلور تيك توك عندي يعطي مسائل قدرات تطبيق على نقاط التأسيس الين عرفت بعض الأفكار )
# التدريب : التدريب اعتمد على التأسيس بشكل كامل ، اخذت عدة بنوك وكنت احل السؤال في ٤٠ ثانية واغلاط البنك ٥ أسئلة إلى ٨ أسئلة
عن تجربتي في الاختبار ماسك القلم وأي سؤال يجي أحله ، ماكنت الافضل بالنسبة لناس كثير في هذا القروب لكن هذي تجربتي .
الدعاء الدعاء الدعاء الدعاء ولا غيره ، حتى لو انك شيء اول مرة يصير ، اخذت التأسيس ٥ مرات والبنوك اخذتها كاملة ثلاث مرات ومختم المخاتيم ، الدعاء وتوكلك على ربك هو اللي يخليك ١٠٠ على ١٠٠.
يا استاذ عماد رسالة لك احبك فالله على شرحك اللي بذمة وضمير ، الله يسعدك سعادة الدارين ويرزقك الجنة يارب ، واللي ماقفلوا لاتروحون الا عند عماد ، قسما بالله ان كل كلمة قلتها ياعمدة ناتجة عن تجربة ( قسما بالله سؤال وقف قدامي في الاختبار أقسم بالله ان صوتك اسمعه في نفسي يحل السؤال ) ، توجيهاتك ، شرحك ، طرق حلك ، أنت كشخص ، هذي ما انساها ابدا ابدا
وسلامي لك ياعمدة شكرااا لك
🌟🌟🌟🌟🌟🌟🌟😊✅
🔵 شــارك تجربتك ودرجتك وفرحتك مع طلاب المعاصر الــآن عبر الحساب الآتي❤️ :
👉 @Doctor_Fatema 💜
20
2
1August 15, 2026 4.7K 15
