يشايل جرح الاسنين
نصبت ابدمعت العين
عزاء العسكري وين
يا بو صالح /// يابو صالح
💔 1
ناصب ابيا ديرة غرب … مجلس الروح الوالد
وهم اكو من يحضر الك … لو ماكو يمك واحد
أيعينك الله سيدي … مكسور خاطر كَـاعد
ومتعوب والدمعه تصب … للعسكري الله شاهد
مصابك ماكو الايعين
نصبت ابدمعت العين
عزاء العسكري وين
يا بو صالح /// يا بو صالح
💔💔 2
جم يوم فاتحته تضل … ناصب يشابع قهرك
ومنهو اليجي ايعزي الك … اويجبر ابخاطر كسرك
شيصير كَـلبك سيدي …. كل يوم اشد ينتظرك
فكَـد الابوه يكسر ظهر … واشباقي كًـلي ابظهرك
اليتم فرك بلا دين
نصبت ابدمعت العين
عزاء العسكري وين
يا بو صالح /// يا بو صالح
💔💔💔 3
يا سيدي امن العسكري … اعيونك فلا شبعانه
عمرك ازغير وفاركَـت … ضحكاته يا مولانه
كل عام تنصب مأتمه … وتقره العزه بعنوانه
سامره هم مثلك تون … عالعسكري حزنانه
خلص عمرك عناوين
نصبت ابدمعت العين
عزاء العسكري وين
يا بو صالح /// يا بو صالح
💔💔💔💔 4
يبن الحسن وشتحتمل … روحك مصايب كثره
كلك على بعضك جرح …. كل جرح بيك اشكبره
اوسهر الليالي عذبك … امن البجي اعيونك حمره
ابكَـلبك خيام امحركَـه … اودوست حوافر عشره
يباجي الذبح الاحسين
نصبت ابدمعت العين
عزاء العسكري وين
يا بو صالح /// يا بو صالح
💔💔💔💔💔 5
بالغربه كَـضيت العمر … مالك وطن يا مهدي
قصة حياتك بالسبي .. تنتهي وترجع تبدي
صيحتك آه يا عمتي … وآه يا مصيبت جدي
وي روحك اتسولف دمع … كَـضيت عمري الوحدي
وتضل تنعاه كل حين
نصبت ابدمعت العين
عزاء العسكري وين
يا بو صالح /// يا بو صالح
=====================
💔 ✍️🏻 كلمات #موسى_الخادم
3August 17, 2026 428 16
