एक विद्यार्थी अनेक वर्षे स्वतःला झोकून देतो. कधी घरच्यांच्या अपेक्षांचं ओझं घेऊन, कधी आर्थिक अडचणींशी लढत, तर कधी अपयश पचवत पुन्हा नव्याने सुरुवात करतो. त्याच्या मोबाईलमध्ये मनोरंजनापेक्षा Notes असतात, त्याच्या दिवसात वेळेपेक्षा Target असतो, आणि त्याच्या डोळ्यांत स्वतःपेक्षा आई-वडिलांचं स्वप्न असतं. 🥺
अशा विद्यार्थ्याने जेव्हा प्रामाणिकपणे परीक्षा दिली, तेव्हा त्याला फक्त एवढीच अपेक्षा असते: “माझी मेहनत आणि माझ्या समोर बसलेल्या प्रत्येक विद्यार्थ्याची मेहनत समान मोजली जावी.”
परीक्षेत अपयश आलं तरी विद्यार्थी पुन्हा उभा राहू शकतो. पण आपण प्रामाणिकपणे केलेली मेहनतच कुठेतरी कमी पडली, असं वाटणं हे जास्त वेदनादायक असतं.
व्यवस्था कोणाचीही असो, जबाबदारी कोणाचीही असो. पण या व्यवस्थेवर विश्वास ठेवून वर्षानुवर्षे मेहनत करणाऱ्या विद्यार्थ्यांचा विश्वास तुटू देऊ नका. कारण हा फक्त एक पेपर नाही. हा हजारो घरांच्या आशेचा प्रश्न आहे. हा फक्त एक निकाल नाही. हा अनेक आई-वडिलांच्या स्वप्नांचा प्रश्न आहे. ❤️
Regards,
Akshay Kulkarni (AK सर)
37
9
3September 2, 2026 1.6K 3
