شعب اليمن عن كامل شعوب لعراب
يفرق باايمانه ونصره لدينه
ياناصر الكرار في يوم لحزاب
زد اليمن قوه وعز وسكينه
مال امتك غيره يصدون لذناب
ويزلزلو عرش اليهود اللعينه
لامن دعا الداعي بحزات لنشاب
لبوه جند الله بوقته وحينه
دون الكرامه لو على قطع لرقاب
نقدم لها والكل ينضر بعينه
مع علم كرار شاجع وحراب
حليف للقران وايضن قرينه
لبيك ابو جبريل والشعب ركاب
معك معك ياالبدر قود السفينه
معك معك والحق لاشك غلاب
واحنا روابطنا بربي متينه
فينا العقيده ساكنه دم واعصاب
ارجال مانرضى الحياه المهينه
اصل العرب لي فيهم الضن ماخاب
كلن حفض روح العروبه بعينه
لاعاش فينا من رضي الذل وارتاب
واحنا جنود الله وانصار دينه
في البحر بانغلق على الباغي الباب
حرام ماتعبر للعدا سفينه
حنا العجب والموت لحمر للذناب
منهو طغى واجرم علينا نهينه
في البر سيل القوم للحد سكاب
كمن شلي مغوار شامخ جبينه
يسقي عدو الله خارق وشباب
حيا الله افعاله وحيا دنينه
مع حفيد اشجع مجاهد وضراب
جده فتح خيبر براحت يمينه
نشمخ بدين الله في كل الارتاب
ماهمنا شدت زمنا ولينه
احنا لها لاحان كشار لنياب
بانعجن الدنيا عليهم عجينه
نهجم ونتقدم ونوخذ بلسباب
والنصر هومضمون ياناصرينه
ماخاب من راهن على الله ماخاب
ولا انهزم من كان ربي عوينه
#امين_العملسي@Aaaaaftru
1August 17, 2026 115
