ونين براسي ما يسكت
تعب هازمني من اهلي
وجع يركض بنص عمري
انسان يغني ويصلي
تناقض بيه ما يخلَص
وانه اضحك اگوم ابچي
واريد اختلط بالعالم
بس مابيه حَيل احچي
من المغرب والف راسي
لان مابيه حَيل اسهر
اذا اسهر يگب حزني
واضل بين الغرف افتر
مواقف غيرن كلشي
عشتهن من چنت جاهل
اصيح واكل بروحي
وانه اكثر بشر عاقل
من الضيم متغير
عشت منعزل كل عمري
قبل اسبوع جيراني ميت
وانه ما ادري
حزن مطشر بجسمي
الوجع بيه شكثر عايل
ويجيني الحزن وحده
لا حاچي ولا گايل .
October 5, 2025 360 5
