بما انها فترة بسيطة و طلبة الثانوية هيبدأوا يدورا علي الكليات ففي البوست ده هقولك مميزات و حقائق عن التمريض و قرر بنفسك هتدخل المجال ولا لا ... 🚨 المميزات :- ✅ لسه لها تكليف حتى هذه اللحظة لكن ما اقدرش اقولك هيستمر كام سنه الله اعلم ممكن 5 سنين او اقل او اكتر .. ✅ سفرها متاح بشكل كويس جدا مقارنه بمجالات كتير حتى هذة اللحظة . ✅ تمريض تعتبر أسهل كلية طبية فهتلاقي دراستها اسهل من طب و صيدلة و أسنان . ✅ في مستشفيات خاصة كتير بتشغل طلبة التمريض اثناء الدراسة فتقدر تصرف على نفسك . ✅ تكلفة دراستها منخفضة يعني مش بتحتاح لا سماعة و لا جهاز ضغط ولا حاجة هو اسكراب او بالطو و شكرا . ✅دراسة التمريض في مصر بالانجلش و بالتالي الامور هتبقى أسهل نوعا في المعادلة . ✅ تقدر تكمل دراسات عليا لحد الدكتوراه و ده طبيعي ف اي كلية و تقدر تعمل زمالات و دبلومات بعدها زي مكافحة العدوى و هكذا . 🚨 حقائق عن التمريض : ✅ لقب الممرض مستر و بره مصر nurse و لكن لقب دكتور ده مش تبعك و ايوا هو تبع طب و ده معترف به عالميا فلو بتفضل لقب دكتور عندك طب او تذاكر لحد ما تاخد الدكتوراه بعد التمريض .. ✅ مجال شحيح من ناحية البحث يعني مش هتبقى عالم منه لكن تقدر تشارك في ابحاث فلو بتحب المجال البحثي اكتر عندك طب و علوم و صيدلة .. ✅ مجال مش متقدر اجتماعيا بشكل خاص هنا و لا متقدر ماديا زي باقي التخصصات الطبية . ✅ دور الممرض مش انه يشخص او يكتب علاج او يعمل عملية للحالة او يصنع دواء لكن دوره هو رعاية الحالة و ملاحظتها و اعطاءها الدواء تبعا لتعليمات الطبيب . ✅ في حاجة اسمها ال care و هي انك بتعتني بالحالة من راسها لحد صباع رجلها مع تغيير الحفاظات و كذلك في حاجة اسمها bed making و هو تحضير سرير المريض و لو كان بره مصر اللي بيعمله هو المساعد و في مسح الاسطح و هو انك بتمسح سرير العمليات و اي انسكاب مكانك و هكذا . ✅ دراسة التمريض مرهقة من ناحية الفرهدة و حضور كتير و شيتات اكتر و امتحانات كتير بردو . ✅الشغلانه مرهقة جدا و فيها مجهود بدني عالي و فيها سهر للبنات و الشباب و بتضيع عليك مناسبات كتير . ✅ و ايوا عادي جدا تتضرب هنا في الطواريء و لو كان في حماية للفرق الطبية بره مصر . ✅ مجال مش هتعرف تترقي منه تبقي مدير مستشفى لكن اقصي شيء هنا هو مدير التمريض لكن بره في اميركا مثلا تقدر تبقى مدير مستشفى عادي جدا خصوصا في الماكن اللي مش مركزية 👀 لو تقبلت كل الكلام ده اهلا بيك و هتنفع في الشغلانة لو ما تقبلتش فشوف غيرها ( الرزق مش واقف على مجال معين ) و بالتوفيق لكم فيما هو قادم . عميد التمريض ...
3
