⭐️ منشور مهم لكل طالب طبّ .. بالأخصّ الستاجيرية
قاعدة الـ 80/20 — ادرس بذكاء، مو بس بجهد !!
هواي طلاب يسألوني ، دكتور نريد أفضل طريقة للدراسة وشلون نرتب وقتنا حتى نطلع بأفضل نتيجة ، الموضوع هذا بيه هواي كلام ولكن من اهم الأمور هي الي رح اوضحها من خلال قاعدة مشهورة جدًا اسمها قاعدة باريتو (Pareto Principle) أو قاعدة 80/20.
بكل بساطة، القاعدة تكول إن 80% من النتائج غالبًا تجي من 20% من الجهد أو المعلومات.
وبالعكس، ممكن أحيانًا تبذل 80% من جهدك، لكن تحصل فقط على 20% من النتيجة.
فإذا طبقت هاي الفكرة على دراستك، ممكن فعلًا يتغير أسلوب دراستك بشكل جذري. وتشوف النتائج صارت احسن
خل ناخذ مثال من البلوبرنت الخاص بالجراحة:
موضوع مثل ال ATLS عليه 5 درجات!
يعني 5 درجات من أصل 100 بالوزاري ، بالإضافة إلى ان الموضوع مهم بالعملي ايضاً، فيُعتبر من اكثر المواضيع أهمية بالجراحة ككلّ نظريا وعمليا ..
فإذا تگعد يومين أو ثلاثة علمود تضبط الـ ATLS من الألف إلى الياء، وتحل كيسات عنه شكد ما تكدر ، مو حرامات بهيج موضوع !!
بالمقابل، ممكن تلكى مجموعة من خمسة مواضيع مجتمعين عليها درجة أو درجتين فقط!
ومن هذا الدرجة، ممكن المواضيع لسن ذات أهمية عمليا ونظريا ، فمو صحيح تستهلك وقت عليهم بقدر الي استهلكته ع ال ATLs !
مو معناها تترك المواضيع اللي عليها درجات قليلة
أبدًا.
الفكرة إنك توزع وقتك حسب العائد المتوقع من كل موضوع.
المواضيع ذات الوزن العالي بالامتحان , أعطيها وقت وجهد أكبر.
المواضيع ذات الوزن الأقل , أدرسها، لكن بطريقة مختصرة وذكية، وركز على الـ high-yield points والأسئلة المتكررة.
وهنا الفرق بين الطالب اللي يدرس كثير والطالب اللي يدرس بذكاء.
استثمر وقتك وجهدك بذكاء.
لان انت ما عندك وقت لا نهاية
وكل روتة الها وقت محدد وكل كورس الة وقت محدد وما تحسّ غير جاي الفاينل .. رتبوا أولوياتكم ببداية كل روتة او كورس ، اهم شي .
Forwarded fromWizari by Abdulrahman
1
1August 30, 2026 124 3
